\_sh v3.0  400  Text
\_DateStampHasFourDigitYear

\ref CORD21.002
\tx Ua nano fueñe urue ua komuiya mamekɨ.

\ref CORD21.003
\tx Nano fueñe urue mamekɨ ua rɨngozaniadɨ rɨngobero daɨna; nɨɨ
mei ɨiza mamekɨ, komo ie moofide, ua echiride.

\ref CORD21.004
\tx Iemona ja oni ja jorode, jorode mameka.

\ref CORD21.005
\tx Ie oni ja ua naidabide urue mameka, fia naɨ naidabide.

\ref CORD21.006
\tx Ie oni ja ɨdaɨ daaba ote mameka, naɨ ie ɨrikɨ kairirede, baɨ
makaakade iadɨ.

\ref CORD21.007
\tx Akɨ daɨi urue makaja mamekɨ ite.

\ref CORD21.008
\tx Iemona urue ja makade ñue.

\ref CORD21.009
\tx Iemona ja urue aizɨde, aizɨde ja ei daɨizaɨbide, moo daɨizaɨbide.

\ref CORD21.010
\tx Ja urue uai komuide, uriya taɨnede, ja zairioikaide, ja ua fɨɨa daɨi
ja uai botade.

\ref CORD21.011
\tx Ie baɨmo ja ite ie mamekɨ, ja jito daɨna, rɨngozaia mamekɨ ja ua
jitaɨngo.

\ref CORD21.012
\tx Ja dɨnori akie mamekɨdo ja uaidoga, moo ifo meidote, rɨngoza ei
ifo meidote.

\ref CORD21.013
\tx Ja afe yezika ja ua daa jito mamekɨ jɨaɨe okainana naidaide
mamekɨ ite.

\ref CORD21.014
\tx Ie baɨ batɨno daaje mamekɨ jitokome.

\ref CORD21.015
\tx Akie izoikana kaɨ komuiya mamekɨ ite.

\ref CORD21.016
\tx Dɨnomona ja ua daamɨe mamekɨ ja imɨe, daaje jitaɨngo mamekɨ
ja ua ingo.

\ref CORD21.017
\tx Ie izoi eroikana ja ua mamekɨ ite.

\ref CORD21.018
\tx Rɨngoza daɨngo mamekɨ ja juyeko.

\ref CORD21.019
\tx Daaje mamekɨ ja jitokome mamekɨ ja jiibina, rɨngoza mamekɨ ja
farekatofe.

\ref CORD21.020
\tx Dɨnomona ja ua juzitofe mamekɨ.

\ref CORD21.021
\tx Ua komo zuibedaite, komo amena buiede.

\ref CORD21.022
\tx Dɨnomona ja aiyena ja irai bonoka fui iedo zairiyena ja agaitaga.

\ref CORD21.023
\tx Dɨnomo ja dɨona metataga jizefona, mazakarɨ metataga jizefona,
komo eokaide ja jujɨ mameka.

\ref CORD21.024
\tx Dɨnomona ja juzire, ja ua jeede.

\ref CORD21.025
\tx Ja juzitofe mamekɨ arɨ jeiaɨbi mameka.

\ref CORD21.026
\tx Ja dɨnona farekare ja ua moonaite ie mamekɨ.

\ref CORD21.027
\tx Ja iemona batɨ zairiñede.

\ref CORD21.028
\tx Dɨnomona oogorɨ mamekɨ.

\ref CORD21.029
\tx Komo iyɨbite, zairiya mameka.

\ref CORD21.030
\tx Dɨnomona ja ua jibuirofede oogorɨ mameka, naɨ jeeñena yezika.

\ref CORD21.031
\tx Dɨnomona ja igodofikaide, ja jeede.

\ref CORD21.032
\tx Dɨnomo oogorɨ mamekɨ ja fuite.

\ref CORD21.033
\tx Akie izoi eroikana ite roziyɨ mamekɨ.

\ref CORD21.034
\tx Komo iyɨbikaide, komo reɨkɨ izoi kɨoide, roziyɨ ua mozikaiyano,
jɨaɨrena jira reɨkɨ izoi kɨoide, fui komekɨ izirenia fakaye jɨɨra uai
yote.

\ref CORD21.035
\tx Dɨnomona ja jeebikaide, komo naɨmede daɨna.

\ref CORD21.036
\tx Akɨ dɨno ja arɨ bite.

\ref CORD21.037
\tx Meita arɨ bite fia uaina yokano atɨka, atɨka, ja ɨkoɨmo ja fuizaɨbite
ie zairia nana riarokɨ zairia ja fuizaɨbite.

\ref CORD21.038
\tx Akie izoide afeno uruemona bite, arɨ juzitofe bite, arɨ rozidoro,
oogodo arɨ bite, fuizaɨbite.