\_sh v3.0  400  Text
\_DateStampHasFourDigitYear

\ref CORD43.002
\tx Bie mei nɨɨ kaɨ ua komekɨ uriyafuena ite, ñuefue manaɨde,
naɨmerede, kaɨ komuiya dɨona jafaikɨ.

\ref CORD43.003
\tx ¿Nɨbai mei bie ua kaɨ komekɨ kaɨ joonia?, kaɨ jizakuru ñue ɨnɨyena
manaɨ, nɨbaɨ kaɨ daanɨ ua taɨfuedo uriya ua ba janaɨa izoi
janaɨde.

\ref CORD43.004
\tx Ie jira biedo mei raa jaka mei ua jenoka, duera iadɨ kaɨmarede,
baka ua nɨbaɨ ua ite, daɨnano.

\ref CORD43.005
\tx Bie ua jɨaɨmakɨ eroikano kaɨ jenoñega, jɨaɨmana ebena uriyena kaɨ
jenoñega.

\ref CORD43.006
\tx Jaka raa jenodɨmɨe due jiza ua mete, ie maɨriedo raa fɨnode, ie
maɨriedo ua urue uikade, nabai dɨga kaɨmare uurite.

\ref CORD43.007
\tx Ie iya eroikana iedo mei kaɨmare uriya komekɨdo ua eroidɨkaɨ,
iedo ñue mei raa fɨnoka, biedo, bikɨ komekɨ daɨnano.

\ref CORD43.008
\tx Nia reɨrungo bairede, nia raofe bairede, nia jɨrɨda bairede, fia mei
raa onide, fia uuritɨkokoniadɨ ua mei fia ua ba taɨfuedo mei
uuritɨmɨe ua fue ua kaɨmanide, komekɨ kaɨmanide.

\ref CORD43.009
\tx Ie mei be daɨi due jiza ñoraɨnota mei uriadɨ raa jetadɨmɨe ua
taɨjɨe fɨnokana uite, iena jaaide.

\ref CORD43.010
\tx Mei be nɨɨ ua kaɨ jafue fɨnode, kaɨ komekɨna uuritañede, iena jɨaɨ
nɨno daɨdɨkaɨ.

\ref CORD43.011
\tx Ie jira koni jaka ua uuritɨmɨe due jiza ua fuemo faɨte, daɨi ñeta
eroide.

\ref CORD43.012
\tx Mei ua jenoiadɨ mei ua bikɨ komekɨdo jenoia baiga, mei ua fia
taɨfuedo jenodɨkaɨnia bainide.

\ref CORD43.013
\tx Ie jira mei ñue kaɨ uai joonetɨkaɨ, daaje ua uai taɨjɨena iya, daaje
uai raa jenuafuena iya, daaje uaido o urue kaɨ uikana, daaje
uaido jitokome kaɨ yua, ba jitaɨngo kaɨ yua, kaɨ irai fue ingo kaɨ
yua.

\ref CORD43.014
\tx Ie afenori mɨnɨkana iñede, ñuefue iya.

\ref CORD43.015
\tx Ie jira mei ja ua afeno akɨ daɨi kaɨ jɨkaka, bie mei moo komekɨ,
eiño komekɨ.

\ref CORD43.016
\tx Nɨɨa nɨɨa kaɨ yote, mei kaɨ komekɨ ua yikɨfuena itɨno iñede, kaɨ
komekɨ zuure itɨnona iñede.

\ref CORD43.017
\tx Nana mei akɨ afemɨemona ua akɨ daɨi uriyafuena ite, raa ua ba
jenokana uiga.

\ref CORD43.018
\tx Ie jira fɨɨa ua fui ua daɨi eroikano mei kaɨ jenoka uai ñue arɨ
fuizaɨbite.