\_sh v3.0  400  Text
\_DateStampHasFourDigitYear

\ref CORD41.002
\tx Nɨɨ mei ua, ua moo komekɨ ifue bifori kaɨ yoga.

\ref CORD41.003
\tx Ua ñuefue kaɨ jenokafue ie uai bifori kaɨ yua.

\ref CORD41.004
\tx Mei fɨenide uai kaɨ jenoñedɨkaɨ, fɨenide uai jae fɨebite.

\ref CORD41.005
\tx Mei bie kaɨ komuiya uai, kaɨ abɨna onotate uai, kaɨ jiyotate uai, ie
kaɨ yua, bainino iñede.

\ref CORD41.006
\tx Ie mei fɨenide mei baɨ kaɨmo atɨñena, kaɨ daɨnano.

\ref CORD41.007
\tx Oni ba jɨaɨmɨe uai mei afemo onoiga, oni ba jɨaɨmɨe uai daaje
izoi afemo onoiga.

\ref CORD41.008
\tx Daaje komedɨkaɨ iadɨ mei daaje izoi kaɨ komekɨ uurite.

\ref CORD41.009
\tx Iena ua nɨbaɨ kaɨ eroikano uurite, daɨnana eroide.

\ref CORD41.010
\tx Bifori mei iñede jɨaɨmakɨ uai, jɨaɨmakɨ fɨnokana kaɨ onoi¬ñedɨkaɨ,
kaɨ fɨnoka kaɨ onoidɨkaɨza; jɨaɨmakɨ aɨna kaɨ onoiñedɨkaɨ, jɨaɨmakɨ
jitaɨngona kaɨ onoiñedɨkaɨ, jɨaɨmakɨ jitokomena mei kaɨ
onoiñedɨkaɨ.

\ref CORD41.011
\tx daanɨ kaɨ aɨ kaɨ yua, kaɨ urue kaɨ yua, kaɨ jitokome kaɨ yua,
¿nɨbai mei jɨaɨma urueri kaɨ uriri?, daɨnano mei bifori iya.

\ref CORD41.012
\tx Arɨ kaɨ biya uai, kaɨ komuiya uai, kaɨ kaziya uai.

\ref CORD41.013
\tx Nɨɨ mei kaɨ abɨna kaɨ onotate, daaje komekɨ uurite, eiño komekɨ,
moo komekɨ.

\ref CORD41.014
\tx Ie dakɨ komekɨdo mei oni kaɨ urue kaɨ uiñua, uruiaɨ kaɨ rairuiya,
uruiaɨ kaɨ yetaja, abɨna imakɨ onoiyena.

\ref CORD41.015
\tx Mei komedɨkaɨ mei akɨ daɨita uuritɨkaɨ.

\ref CORD41.016
\tx Mei nɨbaɨ mei kaɨ urue ebena uurite, nɨbaɨ kaɨ jiza ebena uurite,
kaɨ jitokome ebena uurite, batɨno uai oñega.

\ref CORD41.017
\tx Akɨ daɨita mei jae ua kaɨ komedɨkaɨ ua rairuikana atɨkakaɨ, ua
kaadogakaɨ, urue iziruiya uai, nabai iziruiya uai.

\ref CORD41.018
\tx Mei kaɨ nabai mei kaɨ abɨ, kaɨ nabai daaje jaka urue izoide, abɨna
mei onodɨmɨemona akɨ daɨitade, mei onoñedɨmɨe mei afenodo
uriñede.

\ref CORD41.019
\tx Iena bie jɨaɨmakɨ ie daɨdɨkaɨ, jɨaɨmakɨ iena iñede, nana daaje
izoidɨkaɨ.

\ref CORD41.020
\tx Ie jira be nɨɨ uafuena itɨno, ñuefuena ite, bainino meaire iñede.

\ref CORD41.021
\tx Akie izoi mei kaɨ fɨnoka bie dɨona uai, kaɨ komekɨmo uriya, ua
taɨnona mei kaɨ yonidɨkaɨ.

\ref CORD41.022
\tx Ie jira kaɨ komedɨkaɨ jenokano kaɨ uiga uaido mei uuritɨkaɨ.

\ref CORD41.023
\tx Kaɨ jenoka ñuera, juzitofe ñuera, farekatofe ñuera, jiibina ñuera,
dɨona uai kaɨ komekɨmo uriya.

\ref CORD41.024
\tx Ñuera ibe, ñuera jɨɨrabe, idɨ moo iɨfe, moo komekɨ, eiño komekɨ,
uakɨ uriya, mei abɨna onodɨmɨemona akɨ daɨi ite, uafue jiibina
fɨnode, uafue dɨona fɨnode, daɨde.

\ref CORD41.025
\tx Nɨɨ mei o oni bie uai mei oiraɨniga, ɨaɨena ite, rairaɨfuena ite,
okoziena ite, ɨnɨaɨkɨna ite, yikɨfuena ite.

\ref CORD41.026
\tx Imɨe komekɨ akɨ daɨi uurite, gugufuena ite, mei uzirede uai, kaɨ
komuiñena uai.

\ref CORD41.027
\tx Ie jirari akie izoikana uurite, uurite ja ua baɨ batɨnomo daama ja
ua ie taɨjɨe fɨnode.

\ref CORD41.028
\tx Ie komekɨdo ie jenokaza mei taɨjɨe komuide, ñuefuena kɨode, ieri
mei jiyode.

\ref CORD41.029
\tx Ie jira nabefuena ua jenokana uite, ebirena jira, ñuefuena jira.

\ref CORD41.030
\tx Akie izoi kaɨ komedɨkaɨ komekɨ uurite.

\ref CORD41.031
\tx Ie yezika kaɨ ɨfokɨ izinide, kaɨ abɨ izinide, kaɨ zegore ɨnɨñedɨkaɨ,
murifuere ɨnɨñedɨkaɨ.

\ref CORD41.032
\tx Mei afeno uai mei kaɨita nɨɨa moo kaɨ ei uai.

\ref CORD41.033
\tx Meita kaɨ moo onoɨ manaɨde, kaɨ moo uieko manaɨde, kaɨ eiño
uieko manaɨde, eiño komekɨ manaɨde, afedo kaɨ ɨnɨtate.

\ref CORD41.034
\tx Ikaɨ ñue mei komuiya.

\ref CORD41.035
\tx Jaka daade kaɨ komuiya juyeko, kaɨ komuiya kɨrɨtikoɨ, eiño ie.

\ref CORD41.036
\tx Ie izoide moo ie uieko moo ɨfokɨ uakɨ, nabedɨ moo jɨguida.

\ref CORD41.037
\tx Ie jɨguidana mei kaɨ onoɨmo moo joonete, mei urue abɨna
onoiyena.

\ref CORD41.038
\tx Ie izoi eroikano kaɨ ɨko iyano ite, kaɨ daɨiyena, fɨebite kaɨ
komekɨmo.

\ref CORD41.039
\tx Akie uai moo jafaikɨ.