\_sh v3.0  400  Text
\_DateStampHasFourDigitYear

\ref CORD25.002
\tx Meita urue mei jirode komuiya, urue fia komuiñede, ie izoi kaɨ
daaje izoi mei jirodɨkaɨ, eikomedɨkaɨ jɨaɨ jaka jirodɨkaɨ.

\ref CORD25.003
\tx Iedo kaadɨkaɨ, iedo moonaitɨkaɨ, kaɨ ei monoɨmo jae jirodɨkaɨ.

\ref CORD25.004
\tx Ie kaɨ ja eikomena yezika ja monoɨna jiroñedɨkaɨ, ja ua juiñoibi
jirodɨkaɨ, jaɨnoi jirodɨkaɨ, jaɨgabɨ jirodɨkaɨ, ja eikomedɨkaɨ.

\ref CORD25.005
\tx Ie kaɨ ja moonaiya, ja moonaitɨkaɨ ja mei oni guitɨkaɨ.

\ref CORD25.006
\tx Guiyanona ja oogodo rɨedɨkaɨ, roziyɨ rɨedɨkaɨ, ie kaɨ abɨmo
maɨriena ite, ja kaɨ maɨriena komuide, ja mei ua emodomo kaɨ
jiroka.

\ref CORD25.007
\tx Oni kaɨ dɨena ja mozikaide, oni kaɨ naɨena mozikaide.

\ref CORD25.008
\tx Ie jira akɨ daɨi iteza aiyo komuitari bie farekatofe, juzitofe, kaɨ
naɨe komuiyena, kaɨ dɨe komuiyena, kaɨ maɨrie.

\ref CORD25.009
\tx Ie izoikano amena kaɨ izoide, juzitofe kaɨ izoide, nana jirodɨkaɨ,
juzitofe jirode, farekatofe jirode, rozidoro jirode, oogorɨ jirode,
kononogɨ jirode, dunajɨ jirode, jakaijɨ jirode, jifirai jirode, jiibina
jirode, dɨona jirode, akie izoikano nana jirode.

\ref CORD25.010
\tx daanɨ kaɨ komedɨkaɨ jiroñedɨkaɨ, nana jirodɨkaɨ, amena jirode,
kaifona ofokuiño jirode, ua nana kaifodo makade urukɨ jirode.

\ref CORD25.011
\tx Ana bene okaina nana jirode, miñɨe jirode, mɨgui jirode, mero
jirode, eimoɨ jirode, yauda jirode, kɨto jirode, zuruma jirode, jɨko
jirode, ua nana.

\ref CORD25.012
\tx ¿Neemei buu fia ua kue kaadɨkue, fia kue komuidɨkue?, daɨinide.

\ref CORD25.013
\tx Kaɨ jaɨnoi iyado kaadɨkaɨ, jaɨnoi iñedenia zafenaitɨkaɨ,
komuiñedɨkaɨ.

\ref CORD25.014
\tx Ie jirari akie izoi ite, ¿neemei ua jaɨnoido kaañede raana?, iñede.

\ref CORD25.015
\tx Meita bie enɨemo kaɨ jiroñedɨkaɨ daɨinide, nana jirodɨkaɨ, ie iadɨ
bainide.

\ref CORD25.016
\tx Ana bene iye namakɨ daaje izoi jagɨyɨna ote, nana jagɨyɨ oñegania
tɨɨide, komuiñede, jagɨyɨ otɨmakɨ, kaifo zuuidɨmakɨ, iedo
kaadɨmakɨ.

\ref CORD25.017
\tx Ie izoide nana kaɨ komekɨ mei ua jitaide, jɨkade, kaɨ komekɨ
naɨmereyena jɨkade, manaɨyena jɨkade, kaɨ komekɨ guiyena jɨkade,
jaɨgabɨna jɨkade, nana.

\ref CORD25.018
\tx Daaje izoi ja ua afeno eroiyanona mei akɨ daɨi eroikana itɨkaɨza
kaɨ zafere mei komuiñedɨkaɨ.

\ref CORD25.019
\tx Nana rɨbeimo kaɨ komuidɨkaɨ, rɨbeimo moonaitɨkaɨ.

\ref CORD25.020
\tx Ie jira ua, ¿neemei zafere komuide? kaɨ daɨiri, ¿neemei zegoredɨno
ite? kaɨ daɨiri.

\ref CORD25.021
\tx Zegore jae eiño eromo kaɨ joobikaiya yezika afenomo rɨbeimo
jaka komuidɨkaɨ.

\ref CORD25.022
\tx Iadɨ eiño eromo zegore itɨkaɨ tuuiñede, ie iadɨ tɨɨiñedɨkaɨ, kaadɨkaɨ.

\ref CORD25.023
\tx Meita, ¿neemei birui zegore kaɨ iyɨno?, ie jira biko aiyokona moo
fɨnode, biko eromo kaɨmare kaɨ komuiyena, kaɨmare kaɨ ɨnɨyena,
zegonide.

\ref CORD25.024
\tx Akie izoi fui nɨeze kaɨ urue iadɨ afeno kaɨ yoyena, afeno kaɨ
eroiyena.

\ref CORD25.025
\tx Ja dɨnomona akie izoi mamekano kaɨ uiye, kaɨ zuitaye, kaɨ daɨiye.

\ref CORD25.026
\tx Meita kaɨ komekɨmo zegore itɨfue jino kaɨ yoyena, jino kaɨ
zuitayena.

\ref CORD25.027
\tx Fui akie izoi itɨno kaɨ eromo zegore iadɨ ¿nɨɨe uai fia zuitara ibena
ite?, jae einamakɨ fakaka jagɨyɨ.

\ref CORD25.028
\tx Jagɨyɨ iadɨ fia zuitara ibena ie mameka.

\ref CORD25.029
\tx Ie yezika daaje jagɨyɨdo nana kazidɨkaɨ, erokaidɨkaɨ.

\ref CORD25.030
\tx Arɨ kaɨ biya uaina ite.