\_sh v3.0  400  Text
\_DateStampHasFourDigitYear

\ref CORD50.002
\tx Bie mei kaɨ yua, bie mei ua mei uruiaɨmo naɨ afeno iñena jira
abɨna uruiaɨ onoiyena bie kaɨ jenoka.

\ref CORD50.003
\tx Kaɨe iadɨ naɨ uruemo iñede, oni ba rɨngozamo naɨ iñede, ie jirari
uruiaɨ fɨgo iri, abɨna onori, kaɨ daɨna.

\ref CORD50.004
\tx Bie izoide daa jiibie naɨe, dɨona naɨe, juzitofe naɨe, farekatofe
naɨe, mazakarɨ naɨe iadɨ, naɨ mei uruiaɨ komekɨmo uriñede,
rɨngoza komekɨmo uriñede.

\ref CORD50.005
\tx Bie raa daɨiñede, biedo mooma kaɨ komuitate daɨiñede.

\ref CORD50.006
\tx Rɨngoza dɨbenemo daaje izoide, bie eiño kaɨ komuita raa daɨiñede.

\ref CORD50.007
\tx Jamaifuena ite, ie jira bie mei kaɨ jenoka abɨna onoiyena, rɨngoza
onoiyena, ɨiza onoiyena kaɨ jenoka.

\ref CORD50.008
\tx Nɨga raa ua kaɨ abɨ uiñuafuena ite, rɨngoza dɨbene, ɨiza dɨbene,
nɨgafue ite, daɨna komekɨ.

\ref CORD50.009
\tx Afe izoi kaɨ uruiaɨ onoiyena, fui baɨ batɨnomo jiibina imakɨ
daɨiyena, dɨona imakɨ daɨiyena, imakɨ urue eroikana.

\ref CORD50.010
\tx Rɨngoza dɨbene fui ie ɨnireia dɨnomona urue komuiadɨ daɨngo ie
urue eroikano ie taɨjɨyena, farekatofe ie daɨiyena, juzitofe daɨiyena,
rozidoro daɨiyena, akie izoide uai dunajɨ daɨiyena, jakaizairɨ
daɨiyena, tubujɨ daɨiyena, urue eroikano.

\ref CORD50.011
\tx Ɨima dɨbene, urue kaadoyena, jiibina jenoyena, dɨona komuitayena,
ie uruiaɨ yoyena, rɨngoza yoyena, afedo ie yetayena.

\ref CORD50.012
\tx Ie jira nabedɨ uai mei kaɨ urue komekɨmo kaɨ jooneyena, kaɨ jiza
komekɨmo kaɨ jooneyena, fia uaina.

\ref CORD50.013
\tx Fui onoitɨmakɨ ia, jaka yoyɨfuena jae akɨ uai jaka ite, birui kaɨ
beno ua dane uibiñega.

\ref CORD50.014
\tx Ie jira ja dɨnomona ja moo komekɨmona urue ja jiibikongo oyena
kɨrɨgaɨ nite, dɨnomona urue ja ɨmuiforo moori jofo atɨde, ie
komekɨna komekɨreiyena.

\ref CORD50.015
\tx Daaje izoi rɨngoza ja moonaite ja jaɨnoi atɨde eiñomo, ja ba ua ei
zoiriya abɨ eroide, onokano ie jaaiyena.

\ref CORD50.016
\tx ¿Neemei birui itɨfue mei raana kaɨ mameyena?

\ref CORD50.017
\tx Jae raana itɨno akɨ daɨi mei kaɨ yoiadɨ urue onode.

\ref CORD50.018
\tx Ie mei kaɨ yoñeniadɨ rɨngoza onoñede, ɨiza onoñede.

\ref CORD50.019
\tx Ie jira bie uai yoga, kaɨ abɨna kaɨ onotate raa uaina kaɨ yoyena.

\ref CORD50.020
\tx Daaje izoi rɨngoza, abɨna ie onoigafue ie jizamo oni yote.

\ref CORD50.021
\tx Ie izoikana ite bie mei ua nɨno kaɨ yoñena uai kaɨ yua, baɨ batɨno
taɨno uaina kaɨ yoñedɨkaɨ, afeno kaɨ jenoñedɨkaɨ.

\ref CORD50.022
\tx Kaɨ komuiya raa, ¿nɨnomo bie ite?

\ref CORD50.023
\tx Jae eiño kaɨ ie jirota juiñoibi ¿nɨnomo ite?, daɨnanona afe izoi kaɨ
uruiaɨmo oni kaɨ yoyena, kaɨ jizamo oni kaɨ yoyena, nabedɨ ua
uai, nabedɨ ua kaɨ komuiya jagɨyɨ, kaɨ zairiya raa, ¿nɨnomo ite?

\ref CORD50.024
\tx Nɨɨ ba jae ua kɨodɨkaɨ iadɨ kɨoñedɨkaɨ, daɨdɨkaɨ, daɨna komekɨ fia
uaina itɨnodo kaɨ jenoka.

\ref CORD50.025
\tx Naɨ kaɨ onoɨmo itabiñede, naɨ moo onoɨmo itabiñede, eiño
onoɨmo itabiñede, ja itabite iadɨ jabe ua kɨoite iadɨ.

\ref CORD50.026
\tx Ie jira fia ua bie afe jagɨyɨri jiyodɨkaɨ, afeɨe uairi jiyodɨkaɨ, eiño
jiyode, moo jiyode, ¿neemei taɨnofue?

\ref CORD50.027
\tx Nɨɨ mei ua maɨrie, eiño maɨriena kaɨ kɨoiyena, moo maɨriena kaɨ
kɨoiyena, ¿nɨnomo ite?, kaɨ komekɨmo ite, eiño maɨrie ie komekɨmo
ite, fui ie uruemo ite iadɨ, nia akie izoikano fia yoga.

\ref CORD50.028
\tx Naɨ mei ua jenodɨkaɨ, jenodɨmɨe raɨre baiteita ja zefuinaiya baɨmo
baite.

\ref CORD50.029
\tx Ie izoide nano fueño rɨngoza ɨnireida ua raana jetañedɨno eroide,
fui taɨjɨite iadɨ, fui baɨna ua onoite iadɨ.

\ref CORD50.030
\tx Ie jira fɨɨa yokano kaɨ uiyena ite, afe uai.

\ref CORD50.031
\tx Oni ba fɨenide dɨbenedo mei urue yofuenide, meaidaitade komena,
moo meaidaite, ei meaidaite, ɨiotɨaɨ meaidate.

\ref CORD50.032
\tx Ie jira, fɨgo iri daɨnano, akie izoikano mei kaɨ bie uai jenokana kaɨ
uiga uaina ite.

\ref CORD50.033
\tx	Eikome jito akɨ daɨi faɨriote:

\ref CORD50.034
\tx Uafue.

\ref CORD50.035
\tx Nɨɨ mei ua afenona itɨno mei yotɨo.

\ref CORD50.036
\tx Ie mei bie taɨjɨe kaɨ jenua benodo jae ɨnɨde einamakɨ meifene
fɨebitɨkaɨ.

\ref CORD50.037
\tx Ie jira afenori uafue komuidɨkaɨ, einamakɨ ua uieko otɨkaɨ,
einamakɨ ua uai mei jenodɨkaɨ, eirɨngotɨaɨ, kaɨ uzutɨaɨ jae, ie
meifene fɨebite birui komuide rɨngonɨaɨ.

\ref CORD50.038
\tx Afemakɨ uai, imakɨ uriya, nɨɨ kaɨmo jae kaɨ uzutɨaɨ fɨeka rafuena
ite.

\ref CORD50.039
\tx Ie jira beno naɨraɨdɨkaɨ, kaɨ uzutɨaɨ meifene fɨebitɨkaɨ, daɨnano mei
beno kaɨ jenoka.

\ref CORD50.040
\tx Ie afenori be nɨɨ mei kaɨ birui jenodɨkaɨ, kaɨ meifene bite onoɨmo
kaɨ fɨeyena kaɨ jenoka.

\ref CORD50.041
\tx Ie jira afenori mei iobiyano akɨ dɨno kaɨ komuidɨkaɨ, daɨnano mei
bie taɨjɨe jenoka.

\ref CORD50.042
\tx Fui baɨ batɨnomo aferi feeirikaiyano, uafue ɨko bifori jae ite
einamakɨ, ie meifene fɨebite kaɨ uzuma kaɨmo fɨeka, kaɨ moo
kaɨmo fɨeka daɨiyɨfuena mei ite.

\ref CORD50.043
\tx Ie jira aferi iobiyano mei bie ba rɨama kaɨ kanua ua nabeferi
imabikaiyano akɨ dɨno mei be fɨnokana uiga.

\ref CORD50.044
\tx Ie jira fui bie izoikana itɨfue baɨfene, be kaɨ uai, be kaɨ ua uzutɨaɨ
iyano, be kaɨ komuiya enɨe, daɨiyena.

\ref CORD50.045
\tx Dɨnomo jae kaɨ uzuma ite, dɨnomo jae kaɨ uzutɨaɨ ɨnɨde, imakɨ
yoga rafue mei iedo kaɨ bie uuritɨkaɨ, beno namakɨna fui fɨebite,
imakɨ uaina ite, imakɨ raana ite, imakɨ fui afe izoikana fɨebiye.

\ref CORD50.046
\tx Ie jira mei o eikomedɨo afeno iobiyano mei jenodɨo, ie nabaidɨkue,
¿nɨbai mei fia ua yoyɨfuena iñeite?, ua raana ite, ua raana fɨebite.

\ref CORD50.047
\tx Jae mei afeno ja biberuiyaɨdo mei feeide, ja jɨaɨzamo ua be kaɨ
komɨjedɨkaɨ, kaɨ uai ja feeide.

\ref CORD50.048
\tx Ja ua onoiñega, ja jitaɨngo ie oiakana izoi ite, jitokome ie oiakana
izoi ite, daɨizaina izoi ua dɨona uaido yoga, iedo dɨona uaido
komuide ie mei jamairuite.

\ref CORD50.049
\tx Ua be beno namakɨdɨkaɨ daɨdɨkaɨ ia ua kaɨ ei yoga uaina mei kaɨ
jizatɨaɨ ɨɨnoñede, ieñededo jaaiya izoi jaaide.

\ref CORD50.050
\tx Ie jira afenori akie izoikana ite komekɨdo moziñota naimakɨ mei
komekɨ moziñotɨkaɨ, naimakɨ uai moziñotɨkaɨ.

\ref CORD50.051
\tx Ba daɨi eroikana imakɨ jaaiya jira.

\ref CORD50.052
\tx Ie jira afeno mei moziñoñedɨkaɨnia ¿buu nia mei moziñoga?

\ref CORD50.053
\tx Ie jira nɨɨe eikomedɨo mei komekɨmona afefue zuuide.

\ref CORD50.054
\tx Ie jira afemakɨ eroikana mei bie taɨjɨe ua koko jenoka.

\ref CORD50.055
\tx Ie jira uafuena mei be jenokaita ua fɨɨa baɨ ba joonekana uiga,
fɨɨa fɨnokana uiga, dɨnomo nia afemakɨ afeno onoiñede, nia
afemakɨ afeno uafue daɨiñede, iadedɨ mei bikɨ komekɨdo jenoka,
dɨona uai jiibina uai, idɨ naɨe.

\ref CORD50.056
\tx Ii jabe fui baɨ batɨnomo ja afeno onoitɨmakɨ.

\ref CORD50.057
\tx Dɨnomo ɨko ua kaɨ uzuma uafue yote, kaɨ ua izo uafue yote, kaɨ
moo uafue yote, ja fui daanɨ daɨi raitɨmakɨ.

\ref CORD50.058
\tx Akɨ daɨi afeno ite.

\ref CORD50.059
\tx	Eikome Konɨɨrahga dɨnena daɨde:

\ref CORD50.060
\tx Ie jira mei bie mei kaɨ yɨɨnua.

\ref CORD50.061
\tx ¿Neemei bifori jae mei ua uzuma jenoka maɨriena itɨno, daɨna
komekɨ?, ¿neemei benori ja uzungo ua jenoka maɨrie?, ¿Nɨnomo
afeɨe ite?, daɨnano, ¿nɨbai feeide o iñede?, daɨdɨkaɨ, iadɨ ¿mɨnɨka
ua maɨriena iya?

\ref CORD50.062
\tx Ie jira mei nɨɨ maɨrie jiibinana iya, maɨrie dɨonana iya, maɨrie
juzitofena iya, maɨrie ua farekatofena iya, mazakarɨna iya, nɨɨ
maɨrie.

\ref CORD50.063
\tx Ie jirari biedo ɨko jae baɨna jae einamakɨ bite, daɨna komekɨdo.

\ref CORD50.064
\tx Ie jira nia ua komo fueñe ua kaɨ jenua, rɨama iya anamo ie abɨna
rɨama uafue daɨde, jaka bie fɨgora raa, kaɨna daɨde.

\ref CORD50.065
\tx Ie jira ja mei rɨama ua uafue daɨna bie fɨgora.

\ref CORD50.066
\tx Ie jira yɨɨnota bikɨ komekɨdo nabefuena ua komuiyena komo kaɨ
jenua, nɨɨa mei maɨrie.

\ref CORD50.067
\tx Bifori jɨaɨma fɨeni fɨnoyena iñede, biedo aruire iyino iñede, ie uzire
iyino iñede, ñuera uai iadɨ, naɨ fia joobiñede, ja mei joobite ia.

\ref CORD50.068
\tx Baɨ batɨnomo fia nia jiibinana naidaiñede fia jiibina uai, dɨona uai,
farekatofe uai, juzitofe uai, riarokɨ uai ite, kaɨ komekɨdo.

\ref CORD50.069
\tx Iadɨ afeɨedo ua fɨɨa taɨjɨkano ua jino okano rɨngoza uite, ɨima
dɨbene daaje izoide.

\ref CORD50.070
\tx Mei ¿nɨeze ua ɨuire kaɨ jenua?, ¿nɨeze ua rairuikana kaɨ jenua?, ua
fɨɨa jenoia mei komuide, iena fui bifori jae feeide bie jiibina uai arɨ
kaɨ komuita kaɨ daɨiyena.

\ref CORD50.071
\tx Iedo ɨko jae ua kaɨ einamakɨ ua jenode, biedo ɨko jae bifori
ɨnɨdɨmakɨ, ie izoi kaɨ dano kaɨ urue kaɨ ɨnɨtayena, urue eroikano
kaɨ taɨjɨyena.

\ref CORD50.072
\tx Ie jira bie ñue fɨnokana kaɨ uiga ua afe yɨziya ie ua rairuikana,
jiibina yɨziya, dɨona yɨziya ie uruena ite; mazakarɨ yɨziya nɨɨe
rɨngozana iya.

\ref CORD50.073
\tx Ie jira ɨna fui mei jenokano uiga raa mei komuide daɨnano, jabe
komuitaitɨkaɨ, jabe kɨoitɨkaɨ, daɨna komekɨri mei bie kaɨ kaadoga
uai yoyodɨkaɨ.

\ref CORD50.074
\tx Akɨ dɨnomo mei ja ñue ite, bainide daɨinide, bairede; ua mei
afedo kaadɨkaɨ.

\ref CORD50.075
\tx Ie jira akie izoide ite.