\_sh v3.0  400  Text
\_DateStampHasFourDigitYear

\ref CORD48.002
\tx Daaje mei ua rafue yoina.

\ref CORD48.003
\tx Ie afenori kaɨ ua uafuena ite raa, uafue rɨama dɨbenemo ba kaɨ
jenoka.

\ref CORD48.004
\tx Nɨɨ uafuena itɨno bie mei ba daɨizaina izoi mei kaɨ jetakana kaɨ
atɨka, fɨnokana kaɨ atɨka.

\ref CORD48.005
\tx Afe izoikana itɨfue mei kaɨeñede.

\ref CORD48.006
\tx Iadɨ biberuiyaɨdo mei ja jitairede.

\ref CORD48.007
\tx Ie jira nɨɨ ua komuidɨkaɨ daɨnano, bie ua kaɨ be iya namakɨ iena
iitɨno.

\ref CORD48.008
\tx Jae mei bie izoikana iñedɨkaɨ daanɨ kaɨ ua kaɨ iya izoi itɨkaɨ.

\ref CORD48.009
\tx Ie mei biberuiyaɨdo ja mei bie izoikana ua daakɨna gaɨjɨdɨkaɨ, idɨ
daakɨna gaɨjɨa emodomo daajemo mamekɨ otɨkaɨ, imakɨ
naɨraɨdɨkaɨ daɨna.

\ref CORD48.010
\tx Daɨnanori bie izoikano ite, uafuena itɨno rɨamamo ja jenodɨkaɨ.

\ref CORD48.011
\tx Ie jira afeno fakaka fia nano uaina ite.

\ref CORD48.012
\tx Ie jira nabefuena bie dɨona uai jiibina uai koni feeirikaiyano afekoni
ua jenoka, mamenoga.

\ref CORD48.013
\tx Ie jira afenori mei nɨɨ baie uafuena itɨno mei yoyona, ie jira
rɨamamo ite ñuera rafue, ñuera raa, bie izoikana fui mei kaɨ
komuidɨkaɨ kaɨ daɨna.

\ref CORD48.014
\tx Nɨɨ uafuena itɨfue raana mei mamedɨkaɨ bie, raana ua okana
uitɨkaɨ, afegobe ua fakadɨkaɨ, afeno ua nɨkɨdota mei ja kaɨ oga,
uafuena itɨno raana ite mei.

\ref CORD48.015
\tx Iena fui kaɨ nabaitɨaɨ biekoni ua namakɨdɨkaɨ daɨde, ua komogɨma
ñuefuena kaɨ fɨenokaiyena.

\ref CORD48.016
\tx Afenori aferi feeirikaiyano fui baɨ batɨnomo kaɨ uiekomo iyaɨnɨna
imakɨ iyena, kaɨ uiekomo uriraɨnɨna imakɨ iyena, birui mei kaɨ.

\ref CORD48.017
\tx Ie jira bie uafuena itɨno mei rɨama dɨbenedo jenoka.

\ref CORD48.018
\tx Afenori ua mei feeizɨte, kaɨe iadedɨ jira ua eroidɨkaɨmo mei
feeioikaide.

\ref CORD48.019
\tx Ua kaɨ ua jaeide uzutɨaɨ namakɨ ua uriyafue rafuena ite,
taɨjɨefuena ite, ñuefuena itɨno, fia kaɨ komekɨmo ite.

\ref CORD48.020
\tx Ie jira nabefuedo bibenedo mei kaɨ jenoka.

\ref CORD48.021
\tx Ie jira kaɨmo mei fia uai iya, fia komekɨ, yetarafue iya, taɨjɨe uai
iya.

\ref CORD48.022
\tx Ie mei bie mei rɨamamo ite, rɨamamo afeno iya jira, rɨamamo
komekɨ faɨtɨkaɨ.

\ref CORD48.023
\tx Ie abɨna mei uafue, uafuena ite.

\ref CORD48.024
\tx Ie jira mei bie izoide arera ua bie rafue ua feeiñeite, benomona
oni ua baɨ moonaikana jaaite.

\ref CORD48.025
\tx Ie jira afe izoikana ite bie ñuera rɨama raa ua jiyakɨ mei
taɨnedɨkaɨ, komo fueiñe.

\ref CORD48.026
\tx Ie afenori mei bie izoide.

\ref CORD48.027
\tx Bie mei daiyɨnoɨ kokoɨena iñede.

\ref CORD48.028
\tx Ja bifokoni kaɨ imakɨdɨkaɨ daɨna, idɨ mamekɨna itɨkaɨ aiyomakɨdɨkaɨ.

\ref CORD48.029
\tx Ie afenori buu jaka mei afeɨeri yikɨtaiñede.

\ref CORD48.030
\tx Nɨɨ jae o ua yoganona itɨno.

\ref CORD48.031
\tx daanɨ ua imakɨ abɨ iena itemo eroide, daanɨ ua kaɨmare guitɨmakɨ,
kaɨmare ua ɨnɨdɨmakɨ.

\ref CORD48.032
\tx Iadedɨ bie nana ua mei ñuera rafue, ñuera uaiza, ñuera raana,
nana bifokoni mamekɨna otɨkaɨ.

\ref CORD48.033
\tx Imakɨ uruiaɨ iena ite, kaɨ uruiaɨ iena ite, nana kaɨena ite.

\ref CORD48.034
\tx Bibenori daanɨ bie ua o eikomedɨo komekɨ ua maɨriekɨna ite,
uaina ite, iekoni feeirikaiyano mei bie rɨama raa uafuena ite,
fɨnokana, nɨkɨdokana, jenokana fɨɨa uitɨkaɨ.

\ref CORD48.035
\tx Dɨnomo bie izoikana ite mei kaɨ jenoka, fui baɨna raana ite,
uafuena ite, afedo feeirikaiyano ua kaɨ meifene bitɨno yofueyena
mei ite.

\ref CORD48.036
\tx Ie jira afeno mei ja uafuena ite rɨama uai mei ja kaɨ oga.

\ref CORD48.037
\tx Afe io jɨaɨ ja kaɨ baiga, afeno ja ua kaɨ kɨona.

\ref CORD48.038
\tx Daaje kaɨ komɨnɨdɨkaɨ ua ba taɨjɨena itɨnona ite izoide.

\ref CORD48.039
\tx Bie izoikana ite dɨbenemo bie mei ua kaɨ fɨnoka rafue mei atɨka,
ie jira ua ba kome ¿mei kome?.

\ref CORD48.040
\tx Dɨona jiibina daɨde, juzitofe daɨde, farekatofe daɨde, riarokɨ daɨde,
jira afe uai ba feeide, fɨebiye izoide, kɨoide, feeiñede, fɨebiñede,
ite.

\ref CORD48.041
\tx Ie jira afe izoikana ite afeno fui komogɨmamo yoyena.

\ref CORD48.042
\tx Mei baie izoikana rɨama uafuena ite raa kaɨ jenua yezika, dɨga
iona kɨodɨkaɨ, dɨga ua uaina kakadɨkaɨ, dɨga ebirede raa ua baɨ
bite.

\ref CORD48.043
\tx Ie kɨgɨmo bie izoikana itɨfue jɨaɨ ite.

\ref CORD48.044
\tx Akie izoikana ite kaɨmakɨ.

\ref CORD48.045
\tx Ebe uruiaɨdɨomoɨ fui baɨ batɨnomo ja ɨimana omoɨ iye yezika jae
bie izoikana itɨno kaɨ jenua fakai baie izoikana itena kɨodɨkue,
daɨiyɨfuena ja mei ite.

\ref CORD48.046
\tx Ie bie rɨama raa ñuera, nana daɨdɨkaɨ, iadedɨ afeno mei imakɨ reeɨ
ite.

\ref CORD48.047
\tx Dɨnokoni kaɨ erokaiya yezika ja kaɨ komekɨ bie ua ie neemei kaɨe,
neemei uafue kaɨ daɨna, jaka ja onoiñega.

\ref CORD48.048
\tx Ie fakai kaɨ komedɨkaɨ bikɨ komekɨ iadedɨ, dɨona uai iadedɨ; mei
fakañega ua jazikɨna ite.

\ref CORD48.049
\tx Ie izoikana iya jira fui baɨ batɨnomo akɨ daɨi ite, uruiaɨ daɨiyena.

\ref CORD48.050
\tx Jae ba nɨno yotɨo mei rairuiñedɨmɨemo ite ua zefuireñedɨmɨemo
ite, daɨna izoide, bie daaje jɨaɨ ua izoide.

\ref CORD48.051
\tx Ua nɨbaɨ uafuena ja iteita ñeiri, komena daɨitade.

\ref CORD48.052
\tx Ie izoikana ite bie rɨama raa, ñuera raa kaɨ daɨna, ñuera uai,
daaje jaka izoide.

\ref CORD48.053
\tx Dɨnori jae ua jɨaɨe namakɨ fakadɨmakɨ iadedɨ jaka bie izoikana
itɨno, nɨɨ taɨjɨena itɨno mei fɨnoñega, nɨɨ taɨjɨena itɨno bie mei
taɨjɨena iya.

\ref CORD48.054
\tx Benomo ua juzitofe faɨtana iñede, dɨona jooniana iñede, jiibidozi
faɨtana iñede, bie izoi ua ɨɨnuamo ite, bie izoi jeeɨamo ite.

\ref CORD48.055
\tx Mei kaɨ dɨona iena kaɨ jenoka, kaɨ jiibina iena kaɨ jenoka, jaɨ
juzitofe iena kaɨ jenoka, kaɨ riarokɨ, nɨɨe mei bie kaɨ nabaitɨaɨ iya,
afemakɨ iena kaɨ jenoka.

\ref CORD48.056
\tx Ie jira afenori afe uaido mei afe komekɨdo ua bie kaɨ nitaoikaiya,
kaɨ kakaredoɨa, kaɨ uiadedɨ mei fɨgora.

\ref CORD48.057
\tx Ie meinokoni ua fia ua ja daɨitana jira ja ua oga daɨna jira ua fia
jɨfanua izoi baɨ ba uigania fɨenide, ¿buumona fɨenide?, kaɨmona.

\ref CORD48.058
\tx Jae mei akɨ daɨi kaɨ biñedɨkaɨ, ie mei biberuiyaɨdo ja birui mei
jitairede, jitaiyano mei uafuena ite, rɨama raa ua naamataja izoi
naamatadɨkaɨ, ja mei bie kaɨe.

\ref CORD48.059
\tx Ie jira mei daanɨ kaɨe fɨɨa ñue ua fɨnokana uiga, junakana uiga,
ua rɨiziyena, nijiyena, idaanɨ akɨ daɨi kaɨ fɨnoa, fui baɨna ñue mei
fuite.

\ref CORD48.060
\tx Arera uai, arera taɨjɨena ite.

\ref CORD48.061
\tx Ie izoikana kaɨ iya fakai kaɨ iyano onoiñede, mei kome damade
aiyomakɨdɨkaɨ ia, jira afeno ja fakaka, jira meine abɨdo dane
meiñoga.

\ref CORD48.062
\tx Ie jira bie mei nɨɨ taɨjɨena ite mei moo kaɨ yoga ja mei fui baɨ
batɨnomo uruiaɨmo yoyɨfuena ite.

\ref CORD48.063
\tx Akɨ daɨi bie rɨama raa kaɨ jenua, ñuera raa kaɨ daɨna, kaɨ fɨnoka,
kaɨ atɨka, ie yoyodɨkaɨ.

\ref CORD48.064
\tx Akɨ daɨi ite.