\_sh v3.0  400  Text
\_DateStampHasFourDigitYear

\ref CORD17.002
\tx Nɨɨ ua fueñe moo komekɨmo ite rafue, ¿buu mei yɨɨnoga?

\ref CORD17.003
\tx Ie jira fueñe komuide jito, moo komekɨmo ite ñuefuedo uurite,
ebena uriñede jito.

\ref CORD17.004
\tx Abɨmo eroikana uurite jito, moo izoi komuide, moo uaina uairede,
jɨaɨma abɨ faɨgatañede, jɨaɨma komekɨ fɨeni fɨnoñede, jito.

\ref CORD17.005
\tx Einamakɨ rafuena uaitañede, yetaka jito.

\ref CORD17.006
\tx Oni jɨaɨma jiza uridoñede, oni jɨaɨma mamekɨna ɨaɨñede, yetaka
urue abɨna onode.

\ref CORD17.007
\tx Ie jira ie izoikana birui komuide urue, moo ite abɨri, ei ite abɨri,
ebena uurite.

\ref CORD17.008
\tx Ie jira yetaka jito daama ñuera uai komekɨmo yɨɨnote.

\ref CORD17.009
\tx Ñuera urue uriya yezika nana kaɨ jiyodɨkaɨ, ñuera urue uriya
yezika einamakɨ: jadɨ nɨɨ ua jiibina uai, ua dɨona uai daɨde.

\ref CORD17.010
\tx Ie yezika eikome jiyode, eirɨngo jiyode, ua urue uriya, taɨjɨena
onodɨmɨe uriya.

\ref CORD17.011
\tx Ie baɨfene afe izoide urue izifuena kakañede, faidorafuena
kakañede, yagueroiyana onoñede, daa ñuera rafuena onode.

\ref CORD17.012
\tx Fui baɨ batɨnomo ja ie rɨngomo ie erokaiye jiyakɨ, ie jira abɨ
fɨmaide, ie uai fɨmaide, nɨɨ rafuena kakadɨmɨe, nɨɨ rafue
jenodɨmɨe, nɨɨ jiibina uai yɨɨnotɨmɨe, dɨona uai yɨɨnote, raana
onoiyena, kaɨkoni ite ɨrafuena onoiyena, kaɨkoni ite jenuizaɨna
onoiyena.

\ref CORD17.013
\tx Ie jira akɨ uaido jiibie dute, akɨ uaido dɨona fɨnode.

\ref CORD17.014
\tx Ie izoikano ite jae fueñe moo jenoka jiibina uai dɨona uai yɨɨnote.

\ref CORD17.015
\tx Ie izoikana kaɨ uai iya meinona, ¿jae nɨnomo ite?, daɨdɨkaɨ iadɨ,
nano bie nɨɨa, jaka menade.

\ref CORD17.016
\tx Fui baɨ batɨnomo ja ua uruena kɨode, fui batɨnomo fui rɨngozana
kɨode, eroikana uriya baɨfe afeno ite.

\ref CORD17.017
\tx Iedo jae einamakɨ jɨaɨmana onode, fia kaɨmare ie uriya yezika
jiyode, fia kaɨmare ie komekɨ manaɨde, iedo uriyari eirɨngo jiyode,
jizakuru jiyode, jaɨenikɨ jiyode.

\ref CORD17.018
\tx Birui daaje jiibina, daaje dɨonado uuritɨkaɨ, daɨdɨkaɨ iadɨ, ieñede
uaido, jiibina fɨnode, dɨona fɨnode.

\ref CORD17.019
\tx Iekoni ¿buu meaidaite?, kaɨ einamakɨ abɨmo rafue otɨkaɨ, iena
onoñedɨkaɨ, iena ¿buu uriya?, kaɨ daɨna, iena duiko daɨdɨkaɨ, daanɨ
taɨnue kaɨ uibiya.

\ref CORD17.020
\tx Ie baɨfemo iena imɨe daɨdɨkaɨ, imɨena iñede, jaka ua jɨaɨma
mamekɨ bairia baɨfene.

\ref CORD17.021
\tx Ie mei kaɨkoni daɨi ite ɨrafuena onoñede, daanɨ kaɨkoni ite
zegofuena onoñede, kaɨkoni ite aruifuena onoñede, komena imɨe
daɨdɨkaɨ.

\ref CORD17.022
\tx ¿Neemei kaɨ jenoka?, kaɨ daɨna, ¿neemei kaɨ baiga?, kaɨ daɨna,
baiñedɨkaɨ, onodɨkaɨnia imɨe daɨiñedɨkaɨ, onodɨkaɨnia einamakɨ abɨ
faɨgatañede.

\ref CORD17.023
\tx Akie izoikana ite.

\ref CORD17.024
\tx Imɨemo rafue komekɨmo ite, mei onode, jenode, jenoka raa baiga,
bikɨ komekɨdo uurite, ua dɨona jagɨyɨ, ua jiibina jagɨyɨ, ie izoikana
uurite urue, fui baɨna ie yoye, taɨno ie yoi daɨnano.

\ref CORD17.025
\tx Ie jira eroikana uurite, afenori ñuefue jae fɨebite.

\ref CORD17.026
\tx Ie meinona taɨno uaido jaaidɨkaɨ, iena onodɨkue daɨdɨkaɨ,
onodɨkaɨnia nia akɨ daɨi uuritɨkue, onodɨkaɨnia nia uafue yotɨkaɨ.

\ref CORD17.027
\tx Ie mei onoñedɨkaɨ, rɨngo uaido jiibie dutɨkaɨ, ebe uaido yera
metɨkaɨ, ¿neemei akie izoide?, iena naɨraɨ daɨdɨkaɨ, naɨraɨ iñede, fia
uibikafue.

\ref CORD17.028
\tx Yoye iñena jira taɨno yotɨkaɨ, bene ua uai iya meinona, bene moo
komekɨ iya meinona, taɨno yotɨkaɨ, kaɨ ui kɨoñede, kaɨ komekɨ
tuuiñede, ie meinona taɨnodo uuritɨkaɨ.

\ref CORD17.029
\tx Akie izoide, fɨmairitɨmɨe baiga, ie ebena uriñedɨmɨe baiga, imɨe
komekɨmo rafue jooide, ñuera jɨɨra, ñuera yetarafue, imɨe
komekɨmo ite, uafue yote kaɨ daɨna, imɨemo jaka ua nabedɨ jiibina
uai uriya, dɨona uai uriya, nabefuena.

\ref CORD17.030
\tx Ie yezika naɨ dɨnona iñede, ie yezika buuna uriñede, dama
buinaima uriya, ua buinaima komekɨ uriya.

\ref CORD17.031
\tx Ie yezika eiño buinaiño uriya, manaɨde uai, naɨmerede uai,
kaɨmarede uai.

\ref CORD17.032
\tx Ie yezika jiibina kaɨmare naidaide, dɨona kaɨmare naidaide, ie
jagɨyɨdo urue ñue ɨnɨde, rɨngoza ɨnɨde, eikome ɨnɨde, jaɨenikɨ
ɨnɨde.

\ref CORD17.033
\tx Ie mei buinaima uriya, ñue zuitade, jiyotate, manaɨde, zuuijikaide,
akie izoi ite.

\ref CORD17.034
\tx ¿Neemei omoɨ yoia iñede?, ¿nɨeze iñeite?

\ref CORD17.035
\tx Moo komekɨ jaka ɨnɨñede, moo komekɨ kaade, akie izoide rafue
yɨɨnote, urue uriya.

\ref CORD17.036
\tx Jae akɨ daɨi einamakɨ uurite, ie jira ¿buumo ite?, kue daɨna,
¿buumo uafue jooide?, kue daɨna.

\ref CORD17.037
\tx Daɨdɨkue iadɨ, buuna iñede, taɨno kaɨ jenua, nɨbaɨ baɨ ite, kaɨ
daɨna, ie baɨna iñede, jaka bie nɨɨe, ua raa jinoñede, ua raa
ebinide, akie izoide.

\ref CORD17.038
\tx Meita baɨ rafue ite omoɨ daɨiza, baɨ rafue iñede, koni abɨna
onodɨmɨe uriya, komekɨ yooide, komekɨ eroide, jefo kakaide,
nɨnomo.

\ref CORD17.039
\tx Dɨnori uafuena monaide, dɨnori ja ua jiefuena monaide.

\ref CORD17.040
\tx Neemei rairaɨfue iñede, akie izoikana uriya yezika, eiño daaje izoi
uurite, ñuefue atɨde, ñuefue komuitate, ñuefue moziñote.

\ref CORD17.041
\tx Daaje izoi moo, akie izoide, uruiaɨ fɨgo iri, abɨna onoitɨomoɨ, ja
moo daɨde.

\ref CORD17.042
\tx Rafue feeitaiza, rafue uaitaiza, moo daɨde, neemei omoɨ daɨiza.

\ref CORD17.043
\tx Koni ɨima ɨima, nɨeze taɨnona kaɨ uriri, moo ja daɨde,
komuiyafuemo jenode, moo komuiñeno daɨiñede, moo komuite
daɨde.

\ref CORD17.044
\tx Ie jira komuiya uaido, jiibie dute, dɨona fɨnode; eiño farekatofe
fɨnode, urue eroikana taɨjɨde.

\ref CORD17.045
\tx Nɨɨ ñuera uai, ¿neemei iñede?, kaɨ daɨiri.