\_sh v3.0  400  Text
\_DateStampHasFourDigitYear

\ref CORD46.002
\tx Mei uafuena itɨno jae einamakɨ mei daɨnano, mei uafuena itɨno
nɨɨa mei uafuena itɨno ua ba yerakɨna iya, ba jiibiena iya, uafuena
itɨno.

\ref CORD46.003
\tx Ba irai fue taɨngona ite, ba jaɨgabɨna ite, uafuena itɨno; ba
roziyɨna ite, ba jɨrɨkona ite, mei uafueza mei uafuena itɨno mei ua
kaɨ kɨona, guiga, ua jirokano, mei uafuena itɨno.

\ref CORD46.004
\tx Afeɨe uafuena itɨno mei jɨaɨ ua dama ua komuiñede, uafuena itɨno
mei kaɨ jenoia ite, kaɨ fɨnoia ite, uafuena itɨno.

\ref CORD46.005
\tx Ie mei kaɨ jenoñenia mei iñede, nɨɨ daama ua uafuena ite baɨ
biñede.

\ref CORD46.006
\tx Ie izoide kaɨ jenoka baɨna uafuena ite.

\ref CORD46.007
\tx Ie mei rairaɨfuena itɨno baɨfene uafuena iñede, yikɨfue baɨfene
uafuena iñede, ɨrafue baɨfemo uafuena iñede, kaɨ zuure iyano
baɨfene uafuena iñede.

\ref CORD46.008
\tx Meita zuufuemo mei uafue ite, iñede, mei zuufue iya, ikɨfue iya,
rairaɨfue iya, ɨnɨaɨkɨ iya, ɨrafue ite ua mei duikona iya, afeɨe
onoirede.

\ref CORD46.009
\tx Yaguefuena ite baɨfene uafuena iñede, meita nana uafuena ite
daɨinide, ba jɨaɨe yaguefue, ba jɨaɨe ua jɨruifue mei jɨaɨfue ebefue,
ie baɨfe uafuena iñede, mei kɨoiñena.

\ref CORD46.010
\tx Ie jira fia mei uriyafuena nana iteza eroikana uriri.

\ref CORD46.011
\tx Ie jira uafue ite, taɨnofue ite, ie jira afenomo komekɨ ua ite, ie ua
taɨnona fia jamano baɨ jaaidɨkoko, daɨnano ɨna abɨ moziñote.

\ref CORD46.012
\tx Meita akie izoide mei uafuena itɨno kaɨmona mei ua kaɨ taɨjɨia, kaɨ
fɨnoia, kaɨ jenoia, uafuena ite.

\ref CORD46.013
\tx Ie jira akie izoide uruiaɨ akie izoikano taɨjɨia uafuena iteza fɨgo
abɨna mei onoiri, ie mei taɨjɨñenia iñede.

\ref CORD46.014
\tx Ba jɨaɨmɨe mei taɨjɨania baɨmo uafuena ite, ia jɨaɨmɨe mei iñede,
nana meita kaɨmo uafuena itɨno ite mei ite iadɨ fɨgo iñede.

\ref CORD46.015
\tx Ie mei ba ua akie izoide ua reɨkɨ bonoite ua taɨjɨitɨoza ua
jamairuiñeitɨo mei nana uafue iena ite, ie jiibina ite, ie oogorɨ ite,
ie rozidoro ite, ie mɨzeyɨ ite, ie riare ite, mei uafuena itɨno mei
taɨjɨde, jenode.

\ref CORD46.016
\tx Ie jira akie uai mei abɨna onoitɨomoɨza akɨ daɨi iadɨ mei ua raana
iteza, fɨgo abɨna onoiri.

\ref CORD46.017
\tx Ja komuidɨomoɨ ja ua ie jira akɨ dɨno yoga, akie raana itɨno.

\ref CORD46.018
\tx Ie mei uafuedo uriri, taɨnofue ua yoiza.

\ref CORD46.019
\tx Ie jira ie jetaka uafuena itɨno yote, ua ba taɨno yua fɨenide,
daɨde, uafue yoina, uafue jɨkanuafue, uafue kakareinafue mei
uafue yua jira kakareide, mei jɨkanoga.

\ref CORD46.020
\tx Nɨɨe mei taɨnofuena iya, daɨde, mei zadaifue, ua ba rairaɨfue ba
jɨaɨmɨe janari taɨnofuena iya.

\ref CORD46.021
\tx Ua fia ua ba kaiyɨkaiyɨ uriya, ba naagamona fia jɨfanote, jɨfanote
mɨnɨkana kɨoiñede, nɨɨ taɨnona ite.

\ref CORD46.022
\tx Akie izoide abɨna onoitɨomoɨza, daɨna uaina ite; kɨrɨtikoɨ niyafue,
ranita niyafue, yokofe niyafue, mei uafuena itɨno.

\ref CORD46.023
\tx Ie izoi nana komekɨmo ite emodomo ja mei yagueroide datubi;
datubi zadaide, datubi kaɨmataide, ua ba rua faka-fakade, komekɨ
kaɨmare ite, mei batɨno iemo ite.

\ref CORD46.024
\tx Ie mei iñedemo fia dɨno, ua dɨno, ua dɨno, jaka uafuena iñede, fia
ua yaguefuena.

\ref CORD46.025
\tx Ie mei afe izoide uriadɨ mei yote iadɨ ua ɨere yagueroiadɨ o
janaɨde ebena uurite, iadɨ akɨ dɨno ua yagueroiñedɨmɨe izoi uurite,
mei daɨnafue ite.

\ref CORD46.026
\tx Ie jira uafuena itɨno mei nana kaɨ guiganona ite, kaɨ jirokanona ite
ua, ua ba kaɨ jeeɨriyafuena ite.

\ref CORD46.027
\tx Ie izoi mei kaɨ komuidɨkaɨ, ie izoi mei uruena kaɨ uikaidɨkaɨ.

\ref CORD46.028
\tx Meita urueredɨmɨe mei taɨjɨde, iedo uruenidɨmɨe jaka jɨaɨ afenona
onoite.

\ref CORD46.029
\tx Ua nana ñuera daɨna mei ñuefuedo iya mei nɨnona kakañena,
nɨnona imɨe ja daɨi maɨriruite, imɨe ua daɨitade daɨnafue kakañede,
mei eroikano uurite, uafuedo bainino uriya baɨferede, ua ba nɨɨe
izoi jɨaɨma raa jetaja baɨferede; ie jira eroikano uriri, ebena
uriñeno iri.

\ref CORD46.030
\tx Daɨnafue mei yoina ua kaɨ ñue iya ie uaina ite.

\ref CORD46.031
\tx Ja mei ua jeedɨmɨe ua daɨi daɨna mei eroikano ite, ebena iñede,
imɨe daɨi daɨna mei baite, iemo ñue jaka ite.

\ref CORD46.032
\tx Akiedo mei abɨna onokano eikome ua jaaide, daaje izoi rɨngoza
dɨbene akiedo abɨna onoikano jaaide.

\ref CORD46.033
\tx Mei fui ua daanɨ afemakɨ oiteita fui dama kue onoitɨkue, jaka mei
daɨinide.

\ref CORD46.034
\tx Ba jɨaɨ jaka ua eikome yuamona ba eirɨngo yuamona kome
onode.

\ref CORD46.035
\tx Akɨ daɨi eroikano mei kaɨ ua jaaikaidɨkaɨ, ie jira taɨjɨkaidɨkaɨ mei
uafuena itɨno ua jenokana uitɨkaɨ.

\ref CORD46.036
\tx Akie izoide.