\_sh v3.0  400  Text
\_DateStampHasFourDigitYear

\ref CORD29.002
\tx Mei kaɨ ua fueñe mei abɨna onoñede, ¿buumo mei ua abɨna
onotate?, ¿buumo mei ite?

\ref CORD29.003
\tx Mei uzumamo ite, uzungomo ite; meita uzuma fueñe mei abɨna
onode, uzungo fueñe abɨna onode.

\ref CORD29.004
\tx Ie mei kaɨ daanɨ ua fui onoitɨkaɨ, kaɨ daɨinidɨkaɨ.

\ref CORD29.005
\tx Ie jira, uzuma, ¿nɨɨe izoi eroikana bie raa fɨnua uai ite?, kaɨ
daɨiadɨ uzuma kaɨ yote.

\ref CORD29.006
\tx Uzungo, ¿nɨeze eroikano bie raa fɨnua uai ite?, rɨngoza dɨbenena
itɨno.

\ref CORD29.007
\tx Ie jira uzuma ja yote, bie izoi raa fɨnoka, daɨde, bie izoi raa
jenoka, daɨde, bie izoi raa baiga, naɨ omoɨ onoiñedɨomoɨ meita
naɨ omoɨ komekɨ taɨnomo eroide.

\ref CORD29.008
\tx Ie jira uzuma mei kɨrɨtikoɨ niyana onode, uzuma ranita niyana
onode, yokofe niyana onode, tɨafai kuana onode, reɨe uana
onode, ɨmuiforo uana onode, jiibikongo uana onode.

\ref CORD29.009
\tx Mei akɨ daɨitade rafue eikome komekɨmo ite, rɨngoza dɨbene
eirɨngomo ite afe uai, ie jira rafue jɨkanori, jae einamakɨ daɨde.

\ref CORD29.010
\tx Nɨɨ rafuena onode eikomena birui kaɨ mei uaidoñedɨkaɨ, eikome
dɨga kaɨ uriñedɨkaɨ, daaje izoi jitaɨngo eirɨngona mei uaidoñede,
nɨɨ ñuera uai raa jetajana onode.

\ref CORD29.011
\tx Nɨɨ ua daɨizaina izoi kaɨ uiñua uai, daɨde, kaɨ ua fɨnua uai.

\ref CORD29.012
\tx Ie mei uruiaɨmo mei fia ua rairaɨfuena ite, uruiaɨmo fia jɨfanofuena
ite, nia mei akie izoide.

\ref CORD29.013
\tx Uzumamo manaɨfue ite, uzumamo kaɨmafue ite, ie jira fɨɨa uzuma
uaidotɨmɨe imɨemo mei ie yoga, ie iziruiya ɨbana, fɨɨa uzu daɨna
ɨbana, imɨemo uzuma fue rafue yoga.

\ref CORD29.014
\tx Nɨɨ raa ua jenuana onode, raa maɨana onode, raa moziñuana
onode, nɨɨ ua raa ua monaitatɨmɨe, kɨodɨmɨe, meita onuamo
duuide.

\ref CORD29.015
\tx ¿Nɨeze akɨ daɨitade?, mei rafuena kaɨ onoiri, daɨde, imɨe jae ua
ba uzuma fɨɨa uikaidɨmɨe imɨemo mei ja uzuma raa fɨebite;
uzungo fɨɨa ua uikaidɨmɨe ua abɨna onode.

\ref CORD29.016
\tx Ie izoide kaɨ birui ua onodɨkaɨ, mei daɨinidɨkaɨ, fia mei ua jiibie
duana onodɨkaɨ, fia ua guiyana onodɨkaɨ.

\ref CORD29.017
\tx Ie mei jae mei akɨ daɨitade rafuena itɨno eroikana mei einamakɨ
dɨga jitokome uurite, ua onoiyena.

\ref CORD29.018
\tx Ie izoide taɨno mei kaɨmo iteita taɨno kaɨ yoiri.

\ref CORD29.019
\tx Ba einamakɨ zefuireñedɨmɨe imakɨ ja ua komekɨ ifuena yoga, ie
raana komekɨmo joonete.

\ref CORD29.020
\tx Ie mei birui mei kaɨmo iñede, kaɨ komekɨ taɨnona fia ua ite.

\ref CORD29.021
\tx Akie izoide uai mei kue yua.