\_sh v3.0  400  Text
\_DateStampHasFourDigitYear

\ref CORD24.002
\tx Ie jira bie urue be daɨi ɨraitaya jira kue jɨɨye.

\ref CORD24.003
\tx Bie mei urue tɨtɨrienaide, tɨtɨriaɨ jɨaɨruido komuia yuuitate.

\ref CORD24.004
\tx Ie jɨaɨruido tɨtɨriaɨ komuia agaitate.

\ref CORD24.005
\tx Ie nɨbaɨ bie urue be daɨi iya.

\ref CORD24.006
\tx Ie jira, nɨka monoɨ ɨa omɨno, kue jɨɨyeza.

\ref CORD24.007
\tx Ie jira ie ei omɨnote.

\ref CORD24.008
\tx Omɨda ja kuemo iite.

\ref CORD24.009
\tx Ie jira tɨtɨriaɨ jɨɨra kue fakadɨkue, ua ñuera.

\ref CORD24.010
\tx Tɨtɨriaɨ jɨɨra mei jae kaɨ joonega, daɨde, fia uaido yoitɨkue.

\ref CORD24.011
\tx Tɨtɨriaɨ jɨɨra, mei ua ɨfuema rɨte iadɨ ie urue tɨtɨriaɨ fɨnua
fɨdɨbiñede, ɨfuema ie mamekɨ ɨfueraɨ.

\ref CORD24.012
\tx Ie emodomo jitorokɨngo ua dɨga ua mokɨaɨ urukɨ rɨdode, iadɨ ie
urue jenuifuena fɨdɨbiñede, tɨtɨriaɨna fɨdɨbiñede, ua tejafuena
fɨdɨbiñede, ofiñede.

\ref CORD24.013
\tx Ie izoi mei ua mamekano atɨka.

\ref CORD24.014
\tx Iemona nɨbueraɨ, ie mei ua ie uruiaɨ ua chamuna ekade, ua
kudunɨaɨna, iadɨ urue ua mei tɨtɨriaɨfuena fɨdɨbiñede, jizataifiñede.

\ref CORD24.015
\tx Iemona yedueraɨ, daaje izoi ie uruiaɨ ekade; ekade iadɨ
tɨtɨriaɨfuena fɨdɨbiñede, ua yurafuena fɨdɨbiñede, tejafuena
fɨdɨbiñede.

\ref CORD24.016
\tx Akɨ dɨnomo jino mamekana uiga.

\ref CORD24.017
\tx Ie emodomo juma daɨnamɨe, afemɨe ja ua abɨmo tɨtɨriaɨfuena ite
jino kaɨ mameka.

\ref CORD24.018
\tx Meita dɨnomo tɨtɨriaɨ zafenaite, afemɨe abɨ izoi eroikano uzerede.

\ref CORD24.019
\tx Iemona amenokaido, ie abɨmo jino kaɨ mameka, kaifo bikomo ite,
kaifo biko ua ie dɨnomo abɨ zafenaite jitomamo.

\ref CORD24.020
\tx Afemɨe abɨmo kaɨ mameka, tɨtɨriaɨfuena itɨno.

\ref CORD24.021
\tx Ie emodomo ana bite, ja ua jimena aakomo, dɨnomo ja zafenaite
uidorokɨgo.

\ref CORD24.022
\tx Ja dɨnori ana bite bie enɨemo.

\ref CORD24.023
\tx Ja ua uiyoniño, afemɨe abɨmo mameka, afemɨe aakomo mameka.

\ref CORD24.024
\tx Ie dɨnomo ja zafenaite fia ie fɨokɨnona fɨebite.

\ref CORD24.025
\tx Iemona afeɨemona ja ua jaka danomo ana komuide, amena abɨmo
ja ua tɨtɨgɨna komuide.

\ref CORD24.026
\tx Afe mamekɨ zedorue, jɨaɨe mamekɨ yamorue.

\ref CORD24.027
\tx Dɨno amena abɨmo ja tutede, ie komuiya mamekɨ tute daɨna.

\ref CORD24.028
\tx Dɨnomona ja jino bene jaaide, ja ua ekuirodozi abɨmo, daɨde,
ekuirodozi ie aakomo ua ja ua tɨtɨriaɨfuena jino ua monaide.

\ref CORD24.029
\tx Fia ua tɨtɨriaɨna, fia ua fɨokɨnona monaide.

\ref CORD24.030
\tx Akie izoi ja afeno ja mei ua mananaite, ja dɨnomo ja ua meine ja
ua ñue ja ua jiyode.

\ref CORD24.031
\tx Meita akie izoikana urue tɨtɨriaɨna iya jɨɨra komekɨ ñue fakada ua
jɨɨka.

\ref CORD24.032
\tx Ie jira bie izoi fui urue komuiadɨ akie jɨɨrado omoɨ jɨɨiri daɨna,
tɨtɨriaɨ jɨɨra iteza.

\ref CORD24.033
\tx Ja dɨnomona afe urue jiyode, daɨde.

\ref CORD24.034
\tx Meita daama ua kome ua komekɨmo ite, iadɨ afeno ua meiñota
ua jɨɨka, fia ua jɨɨñega.

\ref CORD24.035
\tx Akie izoikana kue ua urue nano fueñe mei ua jɨɨkana atɨdɨkue,
kue jɨɨka dɨeze jiyode iena mei kue uafue daɨdɨkue.

\ref CORD24.036
\tx Meita taɨno bie kue ua mameñedɨkue, uafue dɨeze kue joonega
biemo.

\ref CORD24.037
\tx Akie izoide.